Civia Bryant, reimdrifið með gíranafi
Vefurinn EcoVelo fékk á dögunum spennandi hjól frá Civia til reynslu. Hjólið er ný útgáfa af Bryant línunni frá Civia, reimdrifið (Gates Carbon Drive) og með Alfine gíranafi. Hér og hér má sjá fína umsögn EcoVelo um hjólið.
Reimdrifin hjól eru ekki ný, en hafa ekki slegið í gegn. Með tilkomu reimdrifsins frá Gates Carbon Drives virðist þetta loksins vera farið að virka almennilega. Trek Soho hefur a.m.k. fengið þokkalega dóma.
Enn er þó verið að “finna upp hjólið” varðandi sum tæknileg vandamál, t.d. hvernig á að koma reiminni í gegnum stellið að aftan (reimina er ekki hægt að taka í sundur eins og keðju), og hvernig er best að strekkja á reiminni á hjóli með diskabremsur.
Civia Bryant kostar hingað komið rúm 300 þúsund samkvæmt mínum útreikningum þ.a. ég býst varla við því að sjá mörg svona hjól á götunum. En reimadrifið á pottþétt eftir að sjást hérna, ef það er ekki þegar komið.
Skildu eftir svar
Mjög flott hjól. Örninn sýni Trek hjól í vetur með reimadrifi. Gæti hafa verið svona reim en man ekki hvort það var með gírum eða gíralaust.
Hefur það ekki verið Trek Soho hjólið sem var í Erninum? Sjá Trek Soho
Datt um annað reimdrifið hjól með alfine gíranafi: Raleigh Alley Way. Hér er umfjöllun og hér er framleiðandinn.